CINNAL. Cornelius

CINNAL. Cornelius

nomen viri Romani, qui summâ crudelitate Rem publ. vastavit. Primô Consulatu, servis ad pileum vocatis, adversarios vicit, Octavium collegam interfecit; Ianiculum occupavit; Iterum ac tertio se Consulem fecit. Quartô vero consulatu cum bellum contra Syllam pararet, Anconae, ob nimiam crudelitatem, lapidibus ab exercitu occisus est. Lucan. l. 4. v. 822.

Ius licet in iugulos nostros sibi fecerit ense

Sylla potens, Mariusque ferox, et Cinna cruentus.

Vide Appianum, l. 1. Florum, l. 3. c. 21. Livii, Epit. l. 77. 79. Eutrop. l. 5. Vellei. l. 2. Plut. in Pompeio, Mario, Sulla. Oros. l. 5. Aur. Victor. de Virus Ill. c. 69. et infra.